China yapinga vitendo vyovyote vya kudhuru raia

Wizara ya Afya nchini Lebanon ilisema siku ya Jumatatu, kwamba mashambulizi ya mabomu yaliyofanywa siku hiyo na Israel dhidi ya Lebanon yamesababisha vifo vya watu 492 na wengine 1,645 kujeruhiwa.

Akizungumzia mashambulizi hayo, Msemaji wa Wizara ya Mambo ya Nje ya China Bw. Lin Jian jana Jumanne alipokutana na wanahabari amesema, China inapinga vitendo vya kukiuka mamlaka ya kitaifa na usalama wa Lebanon, na kulaani vitendo vyovyote vinavyodhuru raia.

Bw. Lin amesema China inazitaka pande husika kuchukua hatua na kupunguza mvutano, kuzuia hali ya wasiwasi ya kanda hiyo kuwa mbaya zaidi, na kulinda utulivu wa kikanda na usalama wa maisha ya watu.